સરકારી બેંકમાં નોકરી આપવાને બહાને 32 વર્ષીય મહિલા સાથે બે શખ્સોએ રૂપિયા 17 લાખની છેતરપિંડી કરી હતી. જોકે આ પ્રકરણે ખરાડીમાં રહેતી મહિલાએ વિમાનનગર પોલીસ સ્ટેશનમાં ફરિયાદ કરતા પોલીસે તુકારામ અને અમિત નામનાં બે લોકો સામે ગુનો નોંધ્યો હતો.

સુત્રો પાસેથી મળતી માહિતી મુજબ, મહિલાને સરકારી બેંકમાં ઓફિસરની નોકરી આપવાની લાલચ આપી હતી. જોકે આ બંનેએ મહિલાને તેની નિમણૂક બાબતનો એક બનાવટી એપોઈન્ટમેન્ટ લેટર પણ આપ્યો હતો. આ લેટર તેમણે ફરિયાદી મહિલાને મેલ કર્યો હતો. આ રીતે મહિલાને નોકરી અપાવવાને બહાને રૂપિયા 17 લાખની રકમ પડાવી હતી.

જયારે રકમ મળી ગયા બાદ પણ મહિલાને કોઈ નોકરી મળી નહોતી. વધુ તપાસ કરતાં એપોઈન્ટમેન્ટ લેટર પણ બનાવટી હોવાનું બહાર આવ્યું હતું. ઘટના બાદ મહિલાએ વિમાનનગર પોલીસ સ્ટેશનમાં ફરિયાદ કરતા પોલીસે તુકારામ અને અમિત સામે છેતરપિંડી સહિતની વિવિધ કલમો હેઠળ ગુનો નોંધી આગળની તપાસ હાથ ધરી હતી.

​