એન્ટી કરપ્શન બ્યુરો (એસીબી)એ મુમ્બ્રા પોલીસ સ્ટેશનમાં ફરજ બજાવતા એક પોલીસ ઓફિસરને 35 હજાર રૂપિયાની લાંચ લેતા રંગે હાથ ઝડપી લીધો હતો. મુંબઈ પોલીસ સ્ટેશનનાં એપીઆઈ રમેશ લાગીહુડે (ઉ.વ.52)એ ફરિયાદી સામે કલમ 376 અને આઈઆટી એક્ટ પ્રમાણે કાર્યવાહી ન કરવા તેની પાસે 80 હજાર રૂપિયા લાંચ માગી હતી. પરંતુ તે લાંચ આપવા માગતો નહોતો આથી એસીબીમાં ફરિયાદ નોંધાવી હતી. એસીબીએ તપાસ કરતા લાહીગુડે 35 હજાર રૂપિયાની લાંચ લેવા તૈયાર થઈ ગયો હોવાનું માલૂમ પડયું હતું. છેવટે ASBનાં અધિકારીએ જાળ બિછાવીને લાહીગુડેને 35 હજાર રૂપિયાની લાંચ લેતા પકડી લીધો હતો. આ પ્રકરણમાં પોલીસ સ્ટેશનમાં કેસ નોંધવામાં આવ્યો છે.