ગાંધીનગરનાં કલોલનાં વડાવ સ્વામી ગામ પાસે પુરઝડપે નીકળેલ અજાણ્યા રિક્ષાનાં ચાલકે અહીંથી પસાર થઈ રહેલા એકટીવા ચાલકની ટક્કર મારી હતી જેમાં એકટીવા ચાલકને માથાના ભાગે ઇજાઓ પહોંચતા સારવાર માટે હોસ્પિટલમાં ખસેડવામાં આવ્યો હતો, જ્યાં તેનું મોત થયું હતું. બનાવ અંગે પોલીસે વધુ તપાસ હાથ ધરી હતી. મળતી માહિતી અનુસાર, જોગાભાઈ ઉર્ફે જગદીશભાઈ કે, જેઓ રસોયા તરીકેનું કામ કરે છે અને કલોલમાં આવેલ સુંદરમ સોસાયટીમાં રહે છે તેઓ સ્કુટર લઈને ઈસડથી વડાવ સ્વામી થઈને કલોલ આવી રહ્યા હતા.

ત્યારે તેમના એકટીવાને અહીંથી પૂરઝડપે નીકળેલ અજાણ્યા રીક્ષાનાં ચાલકે ટક્કર મારી હતી આ અકસ્માતમાં તેમને શરીરે ગંભીર ઇજાઓ પહોંચતા કલોલની ખાનગી હોસ્પિટલમાં ખસેડવામાં આવ્યા હતા, જ્યાં તેમનું સારવાર દરમિયાન મોત નીપજ્યું હતું. અકસ્માત અંગે મૃતકનાં ભાઈ તળસાભાઈ અકસ્માત કરીને ફરાર થઈ ગયેલા અજાણ્યા રીક્ષા ચાલક સામે ફરિયાદ નોંધાવતા પોલીસે ગુનો દાખલ કરી તપાસ હાથ ધરી હતી.