ગાંધીનગરનાં નરોડા ચિલોડા હાઇવે ઉપર વલાદ ગામના પાટીયા પાસે પુરઝડપે જઇ રહેલી કારે લોડીંગ રિક્ષાને અડફેટે લેતા રિક્ષા પલટી ગઇ હતી અને તેમાં સવાર ચાલક સહિત બેને ઇજાઓ પહોંચતા ગાંધીનગર સિવિલ ખસેડવામાં આવ્યા હતા, જ્યાં ચાલકનું મોત નિપજ્યું હતું. બનાવ અંગે ડભોડા પોલીસે કાર ચાલક સામે ગુનો દાખલ કર્યો હતો. મળતી માહિતી અનુસાર, બપોરનાં સુમારે વલાદ ગામના પાટિયા પાસે કારની અડફેટે લોડીંગ રિક્ષા ચાલક આધેડનું મોત થયું હતું, આ ઘટના અંગે નાના ચિલોડા રિધ્ધી શિધ્ધી વસાહતમાં રહેતા હિતેષ દિલીપભાઇ વાસણિયાએ ફરિયાદ કરી હતી કે, તેમના પિતા દિલીપભાઇ માર્બલ ફેક્ટરીમાં લોડીંગ રિક્ષા ચલાવે છે.

જોકે તેમના સાથે રામનાથભાઇ સાથે નાના ચિલોડાથી માર્બલ-ટાઇલ્સ ભરીને મોટા ચિલોડા ખાતે જઇ રહ્યા હતા જે દરમિયાન વલાદ ગામના પાટીયા પાસે પુરઝડપે પસાર થતી કારે તેમને અડફેટે લીધા હતા. જોકે આ અકસ્માતમાં બંનેને ઇજાઓ પહોંચતા સારવાર માટે ગાંધીનગર સિવિલ ખસેડવામાં આવ્યા હતા. જોકે તેમના પિતાને વધુ ઇજા હોવાથી તેમના પિતાને અમદાવાદ સિવિલ ખસેડવામાં આવી રહ્યા હતા તે દરમિયાન તેમનું મોત નિપજ્યું હતું. બનાવ અંગે ડભોડા પોલીસે કાર ચાલક સામે ગુનો દાખલ કરી કાયદેસરની કાર્યવાહી હાથ ધરવામાં આવી હતી.