ગાંધીનગર શહેર નજીક ભાટ ટોલ ટેક્સ પાસે સાબરમતી નદીમાં ગણેશ વિસર્જન કરવા આવેલા ઘાટલોડિયાના યુવકના મોપેડની ડીકી તોડીને ત્રણ મોબાઇલ અને રોકડ રકમની ચોરીની ફરિયાદ દાખલ કરી છે. સુત્રો પાસેથી મળતી માહિતી અનુસાર, નજીક આવેલા ભાટ ટોલટેક્સ પાસે સાબરમતી નદીમાં આસપાસના વિસ્તારમાંથી લોકો ગણેશ વિસર્જન માટે આવતા હોય છે જેમાં ઘાટલોડિયાની સરસ્વાતી નગર વસાહતમાં રહેતો વિકાસ સંતોષભાઇ ગુપ્તા તેના મિત્રો સાથે ગણેશ વિસર્જન કરવા આવ્યો હતો.

તે સમયે તેણે તેના માસા વિશાલભાઇના મોપેડની ડેકીમાં તેના અને તેના મિત્રોના મોબાઇલ અને ૨૦ હજાર રોકડા મુક્યા હતા. નદીમાં વિસર્જન કરીને તેઓ પરત ફર્યા ત્યારે મોપેડની ડીકી તૂટેલી હોવાનું જણાયું હતું અને તેમાં રહેલા મોબાઇલ અને રોકડ રકમ જણાયા ન હતા જેથી યુવકે અડાલજ પોલીસ મથકમાં ફરિયાદ આપતા પોલીસે અજાણ્યા સામે ગુનો દાખલ કરીને પકડવા માટે દોડધમા શરૂ કરી છે.