ગાંધીનગરનાં દહેગામ તાલુકામાં સામેત્રી ગામમાં પાંચ જેટલા લોકો પ્રાથમિક શાળાના જ કમ્પાઉન્ડમાં આવેલી ખુલ્લી જગ્યામાં જુગાર રમવા લાગ્યા હતા. જોકે એક જાગૃત નાગરિકે પોલીસને જાણ કરતા પોલીસે દરોડા પાડયા હતા અને જુગાર રમતા ૫ની ધરપકડ કરી હતી. મળતી માહિતી અનુસાર, દહેગામ તાલુકાના સામેત્રી ગામમાં પાંચ જેટલા લોકો પ્રાથમિક શાળાના જ કમ્પાઉન્ડમાં આવેલી ખુલ્લી જગ્યામાં જુગાર રમવા લાગ્યા હતા.

જોકે એક જાગૃત નાગરિકે પોલીસ મથકમાં ફોન કરતા પોલીસે દરોડા પાડયા હતા અને જુગાર રમતા પાંચ લોકોની ધરપકડ કરી હતી. આ પાંચ જુગારીઓની પૂછપરછ કરતા સામે આવ્યું છે કે, આ લોકો સામેત્રી ગામમાં જ રહેતા હતા અને પ્રાથમિક શાળાના કમ્પાઉન્ડમાં જુગાર રમતા હતા. પોલીસે રોકડ રૂપિયા અને અલગ અલગ વસ્તુઓ મળી રૂપિયા 10 હજારથી વધુનો મુદ્દામાલ કબ્જે કરી ગામના જ પરેશકુમાર દોશી, પ્રહલાદસિંહ ઠાકોર, અગરસિંહ ઠાકોર, ભીખાભાઈ ઠાકોર અને અગરસિંહ દિલુસિંહ ઠાકોરની ધરપકડ કરી 5 ઈસમો સામે કાયદેસરની કાર્યવાહી હાથ ધરવામાં આવી હતી.