ગાંધીનગરનાં મેદરા ગરનાળા પાસેથી એક સેન્ટ્રો કારમાંથી દેશી દારૂ મળી આવતાં પોલીસે કાયદેસરની કાર્યવાહી હાથ ધરી હતી. ડભોડા પોલીસની ટીમને બાતમી મળતા પોલીસ સ્ટાફ વોચમાં હતા. તે દરમિયાન પરઢોલ પાસેથી પસાર થતી કારને રોકવાનો પ્રયાસ કર્યો હતો. પરંતુ કાર ચાલકે કારને હંકારી મુકી હતી.

જોકે પોલીસે પીછો કરતા મેદરા ગરનાળા પાસે કાર મુકી ચાલક ફરાર થઇ ગયો હતો. જયારે પોલીસે કારની તપાસ કરતા કાર માંથી તપાસ કરતા પ્લાસ્ટીકનાં 15 કટ્ટાઓ ભરેલા મળ્યા હતા. જેમાથી 510 લીટર દેશી દારૂ જેની કિંમત રૂપિયા 10,200/-નો મળી આવ્યો હતો. આમ, પોલીસે દેશી દારૂ અને કાર સહિત રૂપિયા 60,200/-નો મુદ્દામાલ જપ્ત કરી ફરાર કાર ચાલકની શોધખોળ હાથ ધરી હતી.