દહેગામનાં નરોડા રોડ પર આવેલ શિવનગર ફાર્મ પાસે એક અજાણ્યા વાહનની ટક્કરે દહેગામનાં એક યુવાનનું મોત નીપજ્યું હતું. મળતી માહિતી અનુસાર, દહેગામનાં રહીશ અને શ્રીનાથ આર્કેડ ખાતે ફેબ્રિકેશનનો વ્યવસાય કરતા નરેન્દ્ર રમણભાઈ રૃડાણી રાત્રે તેમની ફેક્ટરીથી દહેગામ તરફ આવી રહ્યા હતા. તે સમયે કોઈક અજાણ્યા વાહને તેમના બાઈકને ટક્કર મારતા રોડ પર ફંગોળાઈ ગયા હતા. જેના પગલે તેમને ગંભીર ઈજાઓ થવા પામી હતી અને તેમનું કરુણ મોત નીપજ્યું હતું.