કલોલ પાસેનાં ગોલથરા ગામે રાત્રિનાં સમયે રોડ ઉપરથી રાહદારી પસાર થઈ રહ્યો હતો તે સમયે અજાણ્યા વાહને તેને ટક્કર મારી હતી. જોકે વાહનની ટક્કરથી રાહદારીને માથાનાં ભાગે ઇજાઓ પહોંચતા તેનું મોત નીપજ્યું હતું. બનાવ અંગે પોલીસે ફરાર થઈ ગયેલા અજાણ્યા વાહનનાં ચાલક સામે ગુનો દાખલ કરી તપાસ હાથ ધરી હતી. સુત્રો પાસેથી મળતી માહિતી અનુસાર, કલોલ પાસેનાં તાલુકાનાં ગોલથરા ગામે અકસ્માતનાં બનાવમાં અજાણ્યા રાહદારીનું મોત નીપજ્યું હતું.

જયારે 40 વર્ષનો અજાણો રાહદારી રાત્રિનાં સમયે ગોલથરા પાટીયા પાસેનાં રોડ ઉપરથી પસાર થઈ રહ્યો હતો તે સમયે કોઈ અજાણ્યા વાહન ચાલકે તેને ટક્કર મારી હતી જેના કારણે તેને માથાના ભાગે ગંભીર જાઓ પહોંચી હતી અકસ્માત થતા લોકોનું ટોળું એકત્ર થઈ ગયું હતું.

​

બનાવ અંગે 108ને જાણ કરવામાં આવતા 108 ઘટના સ્થળ ઉપર આવી હતી અને ઈજાગ્રસ્ત રાહ દારીને તપાસતા તે મરણ ગયેલ હોવાનું માલુમ પડયું હતું. બનાવ અંગે પોલીસ જાણ કરવામાં આવતા પોલીસે અકસ્માત અંગે ફરાર થઈ ગયેલા અજાણ્યા વાહન ચાલક સામે ગુનો દાખલ કરીને તેને ઝડપી લેવા કાર્યવાહી હાથ ધરી હતી.