મનિષા એસ. સુર્યવંશી/તાપી : ડોલવણનાં બેસનીયા ગામે ખેતરમાં ખેતી કરવા મામલે બે ખેડૂતો વચ્ચે થયલે મારમારીનો બનાવ ડોલવણ પોલીસ મથકે નોંધાતા પોલીસે ગુનો નોંધી કાયદેસરની કાર્યવાહી હાથ ધરી હતી. મળતી માહિતી મુજબ, ડોલવણનાં બેસનીયા ગામનાં વચલા ફળીયામાં આવેલ ખેતરે રામુભાઇ જેઠાભાઇ ભીલ (ઉ.વ.૬૦., રહે.બેસનીયા ગામ, વચલુ ફળીયુ તા.ડોલવણ)નાઓ ગત તારીખ ૦૯/૧૨/૨૦૨૪નાં રોજ તેમના ખેતરે અડદ ઉખેડવા માટે ગયા હતા.

તે સમયે રાજુભાઈ મનુભાઈ ભીલનાંઓ રામુભાઇ જેઠાભાઇ ભીલને કહેવા લાગેલ હતો કે, ‘આ જમીન અમારી છે, તુ કેમ અહી આવેલ છે’ તેમ કહ્યું હતું. જેથી રામુભાઇ જેઠાભાઇ ભીલએ રાજુભાઈ મનુભાઈ ભીલને કહ્યું કે, આ જમીન મારી દિકરીની છે તે જમીન છેલ્લા પંદરેક વર્ષથી ખેડતા આવેલ છે તેવું કહેતા રાજુભાઈ મનુભાઈ ભીલનો એકદમ ઉશ્કેરાઈ જઈ બોલાચાલી અને ઝઘડો કરી તેમજ નાલાયક ગાળો આપી હાથમાં રહેલ લોખંડનો સળીયાથી રામુભાઇ જેઠાભાઇ ભીલને બન્ને હાથે તથા જમણા પગે એક એક સપાટો મારી ઇજા કરી ડાબા હાથે કોણીના નીચેના ભાગે ફેક્ચર કરી તેમજ ઢીક્ક મુક્કીનો માર માર્યો હતો. તેમજ જતા-જતા કહ્યું હતું કે, ‘આજે તો તું બચી ગયેલ છે પણ બીજી વાર ખેતરે આવશે તો જાનથી મારી નાંખીશ તેવી ધમકી આપી હતી. બનાવ અંગે રામુભાઇ જેઠાભાઇ ભીલનાંએ ડોલવણ પોલીસ મથકે મારમારી અને જાનથી મારવાની ધમકી આપનાર વિરુદ્ધ ગુનો નોંધ્યો હતો.