તાપી જિલ્લાનાં સોનગઢમાં ભૂકંપના આંચકા અનુભવાયા છે. ભૂકંપ આવતા સોનગઢ નગરનાં જુનાગામ, પીપળ ફળિયું, ડેપો ફળિયું તેમજ મેઈન બજાર સહિતના વિસ્તારોમાં ધરા ધ્રૂજી ઉઠી હતી. જેમાં સોનગઢથી 5 કી.મી દૂર ઉકાઈ તરફ ભૂકંપનું કેન્દ્રબિંદુ નોંધાયું છે. આ સાથે અહીંના અનેક વિસ્તારોમાં ભૂકંપનાં ઝટકા અનુભવાયા છે. મળતી માહિતી પ્રમાણે, આજરોજ એટલે કે તારીખ 7મી ડીસેમ્બર 2024ના રોજ સમય બપોરે 1.18 મિનિટે રિક્ટર સ્કેલ પર ભૂકંપની તીવ્રતા 2.0 નોંધાઈ છે. ભૂકંપનાં આંચકા અનુભવાતા લોકો પોતાના ઘરની બહાર દોડી આવ્યાં હતા. જોકે ભૂકંપની ઘટનામાં કોઈ પ્રકારની જાનહાની કે નુકસાનનાં સમાચાર નથી.