ચીખલી તાલુકાનાં સાદડવેલ ગામે ખેતરમાં જવા પૂર્વે ટ્રેક્ટર ચેક કરતી વેળા ટ્રેક્ટરનું ટાયર ફરી વળતા ખેડૂતનું ધર આંગણે જ મોત નિપજ્યું હતું. મળતી માહિતી મુજબ, ચીખલી તાલુકાનાં સાદડવેલ ગામનાં તાતી ખાડી ફળીયા ખાતે રહેતા ઉત્તમભાઈ ડાહ્યાભાઈ ધોડિયા પટેલ (ઉ.વ.૫૦) જે બુધવારની સાંજના છ એક વાગ્યાના સમયે પુત્ર નેહલ સાથે ખેતરમાં જવા માટે લાલ કલરનું ટ્રેકટર નંબર જીજે/૨૧/જે/૮૪૩૬ ઘરનાં આંગણામાં ઉભું રાખી ટ્રેકટર ચેક કરી રહ્યા હતા. તે દરમિયાન ઢાળ વાળી જગ્યાના કારણે ટ્રેકટર આકસ્મિક રીતે રણકી જતા ઉત્તમભાઈ ઉપર ટ્રેક્ટરનું ટાયર ફરી વળતા ખભાના ભાગે, માથાનાં ભાગે તેમજ છાતીનાં ભાગે ગંભીરની ઇજા થતાં સારવાર અર્થે ચીખલીની ખાનગી હોસ્પિટલમાં લઈ જવાતા ફરજ પરના તબીબે મૃત જાહેર કરતા બનાવ અંગેની ફરિયાદ મરનારના પુત્ર નેહલ ઉત્તમભાઈ ધોડિયા પટેલે કરતા પોલીસે ગુનો નોંધી વધુ તપાસ પીએસઆઈ કરી રહ્યા છે.