સાપુતારા માલેગામ રાષ્ટ્રીય ધોરી માર્ગ ઉપર ફોરેસ્ટર રેસ્ટ હાઉસનાં તીવ્ર વળાંક પર નાસિકથી રાજકોટ ડુંગળીનો જથ્થો ભરી જતી ટ્રકની બ્રેક ફેઈલ થતાં ટ્રક ડિવાઈડર સાથે અથડાઈ પલ્ટી જતા ગંભીર અકસ્માત સર્જાયો હતો. મળતી માહિતી મુજબ, સાપુતારા માલેગામ રાષ્ટ્રીય ધોરી માર્ગનાં ફોરેસ્ટ રેસ્ટ હાઉસ પાસે આવેલા તીવ્ર વળાંક પર અવાર નવાર અકસ્માત થતાં રહેતા હોય છે.

જયારે નાસિકથી રાજકોટ ડુંગળીનો જથ્થો ભરી જતી ટ્રકની અચાનક બ્રેક ફેઈલ થતા બેકાબૂ બનેલી ટ્રકનાં ચાલકે સામે આવતી પ્રવાસી કારને બચાવવા જતા ટ્રક માર્ગ સાઈડે સંરક્ષણ દીવાલ સાથે અથડાવી અટકાવવાનો પ્રયાસ કરતા ટ્રક ધડાકાભેર અથડાઈ પલ્ટી મારી જતા અકસ્માત સર્જાયો હતો. અકસ્માતને પગલે ચાલક ક્લીનરને ઇજાઓ પહોંચી હતી. તેમજ ટ્રકમાં મુકેલી ડુંગળીનો જથ્થો ખીણમાં વેરવિખેર થતા જંગી નુકસાન થયું હતું. બનાવ અંગે સાપુતારા પોલીસે ગુનો નોંધી કાયદેસરની કાર્યવાહી હાથ ધરી હતી.