ડાંગ જિલ્લાનાં વઘઇથી સાપુતારાને જોડતા આંતરરાજ્ય ધોરીમાર્ગનાં ચીખલદા નાનાપાડા ગામ નજીક પાવડરનો જથ્થો ભરેલ ટ્રક પલ્ટી મારી ગઇ હતી. આ ઘટનામાં ટ્રક ચાલક અને તેની સાથેનાં ક્લીનરને સામાન્ય ઇજા પહોંચતા તેમને સારવાર અર્થે ખસેડાયા હતા. રાજસ્થાનથી પાવડરનો જથ્થો ભરી મહારાષ્ટ્રનાં પુણે તરફ જઈ રહેલ ટ્રક નંબર RJ/27/GC/1837 જે સાપુતારાથી વઘઇને સાંકળતા આંતર રાજય ધોરીમાર્ગનાં ચીખલદા-નાનાપાડા ગામ નજીકથી પસાર થઈ રહી હતી.

તે સમયે ચાલક દ્વારા સ્ટેરીંગ પરનો કાબૂ ગુમાવી દેતા આ ટ્રક માર્ગની સાઈડમાં પલ્ટી મારી જતા ઘટના સ્થળે ગંભીર અકસ્માત સર્જાયો હતો. જોકે આ અકસ્માતનાં બનાવમાં ટ્રક સહિત પાવડરનાં જથ્થાને જંગી નુકસાન થયું હતું. જ્યારે ચાલક અને ક્લીનરને શરીરનાં ભાગે નાની મોટી ઇજા પહોંચતા તેઓને તાત્કાલિક સારવારનાં અર્થે નજીકની સાકરપાતળ પીએચસીમાં ખસેડવામાં આવ્યા હતા.