ડાંગ જિલ્લાનાં વઘઈ તાલુકાનાં બોરપાડા ગામેથી દીપડો પાંજરે પુરાયો હતો. જોકે વહેલી સવારે દીપડો શિકાર કરવા જતાં પાંજરે પુરાયો હતો. જયારે થોડા દિવસ અગાઉ આ દિપડાએ ગાય અને બકરીનો શિકાર પણ કર્યો હતો. તેમજ ખુંખાર હિંસક દીપડો પાંજરે પુરાતા ગ્રામજનોએ રાહત અનુભવી હતી. જેમાં બોરપાડા સહિત આજુબાજુનાં ગામોમાં હિંસક દીપડાએ ગામમાં ગાય અને બકરીનો શિકાર કરતાં ગામ લોકો ફફડી ગયા હતા.

ત્યારબાદ દક્ષિણ ડાંગ વન વિભાગ હસ્તકના વઘઇ રેન્જ ફોરેસ્ટ વિસ્તારમાં બોરપાડા સહિત આજુબાજુના ગામોને બાનમાં લેનાર દિપડાને પકડવા પાંજરૂ ગોઠવી દિપડાની અવરજવર ઉપર વોચ ગોઠવી હતી. આ દરમિયાન દિપડો શિકાર માટે આવતા વન વિભાગના સ્ટાફે ખુંખાર દિપડાને આબાદ ઝડપી લીધો હતો અને દિપડો પકડાઈ ગયાના સમાચારથી ગ્રામજનોને રાહત મળી હતી.