આહવા‎ ડાંગ જિલ્લા ઉત્તર વન વિભાગ‎‎ હસ્તકનાં ભેંસકાતરી વન‎ વિભાગની ટીમે જંગલમાંથી પીકઅપ ટેમ્પોનો પીછો કરી પીકઅપ ટેમ્પોમાંથી રૂપિયા 70,000/-નાં સાગી લાકડા ઝડપી પાડ્યા હતા. જોકે વન વિભાગેની ટીમે મુદ્દામાલ ઝડપી પાડી કાર્યવાહી હાથ ધરી હતી. મળતી માહિતી અનુસાર, ડાંગ ઉતર વન વિભાગનાં‎ DFOનાં‎ માર્ગદર્શન હેઠળ ભેંસકાતરીનાં‎ RFOને‎ મળેલી બાતમીનાં આધારે‎ ભેંસકાતરી રેંજ સ્ટાફ સાથે‎ ભેંસકાતરી બીટ કં.નં.188માં‎ સાગી લાકડા કાપીને વેચવાની‎ બાતમીના આધારે વોચ ગોઠવી‎ હતી. તે દરમિયાન મળસ્કે 3‎ કલાકે પાંઢરમાળ વાંકન રસ્તા પર‎ વાઘદેવ પાસે બોલેરો પીકઅપ‎ ટેમ્પો નંબર MH/15/HH/3687માં‎ સાગી લાકડા નંગ-7 બિન‎ પાસ-પરવાનગીએ ભરતા ઈસમો‎ ફોરેસ્ટ સ્ટાફને જોઇ ભાગી છૂટ્યાં‎ હતા.

જયારે પીકઅપનો ચાલક ગાડી‎ લઇ સરકારી ગાડીને ટક્કર મારી‎ ભાગી છૂટતા ચારેબાજુ નાકાબંધી‎ કરીને તેનો પીછો કર્યો હતો. જેથી 11‎ કિ.મી. દુર ભેંસકાતરી આશરે‎ ફળિયા પાસે પીકઅપ ચાલકે‎ સ્ટેરીંગ ઉપરથી કાબુ ગુમાવતા‎ ગાડી ખાડામાં ઉતરી જતા ચાલક‎ છોડીને અંધારોનો લાભ લઇ‎ ભાગી ગયો હતો. ત્યારબાદ વન વિભાગની ટીમે ટેમ્પોમાં તપાસ કરતા સાગી લાકડા‎ નંગ-7 ઘન મીટર 1.913 જેની‎ કિંમત રૂપિયા 70,000/-‎ અને ટેમ્પાની કિંમત રૂપિયા 7.30 લાખ મળી કુલ રૂપિયા 8‎ લાખનો મુદ્દામાલ કબ્જે કરી‎ આગળની તપાસ ભેંસકાતરીનાં‎ RFOએ હાથ ધરી‎ હતી.‎