ડાંગનાં સુબીર તાલુકાનાં ઢોંગી આંબાગામની પરિણીતાએ પતિ સાથે ઝઘડો થતાં ભીંડા પર નાંખવાની ઝેરી દવા ગટગટાવી જઇ જીવન ટૂંકાવી લેતા પંથકમાં ચકચાર મચી જવા પામી હતી. પોલીસ સુત્રો પાસેથી મળતી માહિતી અનુસાર, ડાંગ જિલ્લાનાં સુબીર તાલુકાનાં ઢોંગીયાઆંબા ગામે રહેતી 22 વર્ષીય પરિણીતા રવિનાબેન અજીત રડિયા જેઓ પતિ સાથે લગ્નમાં જવા માટે પતિને ના પાડવા છતાં પતિ લગ્નમાં જતા રહેતા પરિણીતાને બાબતનું માઠું લાગી આવ્યું હતું.

તેથી તેણે ભીંડા પર છાંટવાની ઝેરી દવા ગટગટાવી લેતા તેની તબિયત લથડતાં તેને સારવાર માટે સુબિર પ્રાથમિક આરોગ્ય કેન્દ્રમાં ખસેડાયા હતી. જ્યાં તેણીને સારવાર મળે તે પહેલા જ મૃત્યુ થયું થયું હતું. જયારે મૃત્યુ પામનાર મહિલાને ત્રણ વર્ષની બાળકી પણ છે.

આ ઘટનાને લઈ સુબીર પંથકમાં ચકચાર મચી ગઈ હતી. બનાવ અંગે મહિલાનાં પિતા ગમજભાઈ લાન્સુભાઈ કાનાન (રહે.મહાલ) નાએ સુબીર પોલીસ સ્ટેશનમાં ફરિયાદ નોંધાવતા ગુનો નોંધી આગળની તપાસ સુબીર પોલીસે હાથ ધરી હતી.