વઘઇમાં ખુંખાર દીપડાએ ઘરનાં આંગણામાં ત્રણ બકરાઓનું મારણ કરતા વઘઇ નગરમાં ભયનો માહોલ સર્જાયો  હતો. બનાવની વિગત એવી છે કે, ડાંગ જિલ્લામાં અવર-નવર દિપડાઓ આંતક મચાવતા હોય છે ત્યારે જિલ્લાનાં પ્રવેશદ્વાર વઘઇનાં રહેણાંક વિસ્તાર એવા સિંગલ ફળીયામાં ખુંખાર દીપડાએ આંતક મચાવતા હતો.

જેથી લોકોમાં ફફડાટ ફેલાયો હતો દિપડાએ ઘરનાં આંગણામાં મોડી રાત્રીનાં સમયે ત્રણ બકરાઓનું મારણ કરતા ફળિયાનાં લોકોમાં હાલ ગભરાહટનો માહોલ જોવા મળ્યો છે. જોકે બનાવ અંગે વન વિભાગને જાણ થતાં વન વિભાગની ટીમ ઘટના સ્થળે પહોંચી આગળની કાર્યવાહી હાથ ધરી હતી.