દમણથી એક સ્વીફ્ટ કારમાં મહિલા અને પુરુષ સવાર થઈ ગેરકાયદેસર વિદેશી દારૂનો જથ્થો લઈ જતા હોવાની બાતમી મળતા પારડી પોલીસે કલસર ચેકપોસ્ટ આગળ વોચ ગોઠવી હતી. તે દરમિયાન બાતમી વાળી સ્વિફ્ટ કાર નંબર GJ/15/CL/0877 આવતા પોલીસે અટકાવવાનો પ્રયાસ કરતા કારમાં ચાલકએ કારને પુરઝડપે હંકારી ભાગવાનો પ્રયાસ કરતા દંપતી અને પોલીસ વચ્ચે ફિલ્મી દર્શયો સર્જાયા હતા. જેમાં દંપતીની કારને ભારે નુકસાન પણ પહોંચ્યું હતું.

પરંતુ આખરે પોલીસે આ કારને અટકાવી ચકાસણી કરતા તેમાંથી રૂપિયા 27,600/-નો દારૂ મળી આવી હતી. જોકે 5 લાખની કાર અને દારૂ મળી પોલીસે કુલ રૂપિયા 5,28,000/-નો મુદ્દામાલ કબજે કરી કાર ચાલક વલસાડ ચણવઈ વાડી ફળીયાના કમલેશ મોતીભાઈ પટેલ અને તેની પત્ની હિના કમલેશ પટેલની પ્રોહીબિશનનાં ગુનામાં ધરપકડ કરી હતી.