મનિષા એસ. સુર્યવંશી/તાપી : વાલોડનાં બાજીપુરા ગામનાં સ્વસ્તિક સોસાયટીમાં ભાડાથી રહેતા બાબુભાઈ સરદારભાઈ વણઝારા (મૂળ રહે.લોદરાણી ગામ, રામાપીરવાસ, તા.વાવ, જિ.બનાસ કાંઠા)નાંએ પોતાની બાઈક જીજે/૦૮/ડીએચ/૦૯૮૬ને તેમના મકાનમાં હેન્ડલ લોક કરી પાર્કિગમાં પાર્ક કરી મૂકી હતી. જોકે સવારે ઉઠી જોતા બાઈક સ્થળ ઉપર જોવા નહિ મળતા કોઈ અજાણ્યો ઈસમ બાઈક જેની કિંમત રૂપિયા ૪૦,૦૦૦/-ની ચોરી કરી ફરાર થઈ ગયો હતો. બનાવ અંગે બાબુભાઈ વણઝારાએ તારીખ ૧૨/૦૯/૨૦૨૪નાં રોજ બાઈક ચોરી અંગેની ફરિયાદ વાલોડ પોલીસ મથકે ફરિયાદ નોંધાવતા પોલીસે ગુનો નોંધી કાયદેસરની કાર્યવાહી હાથ ધરી હતી.