સેલવાસના દાદરા ગામે રહેતા સતિષ પુખરાજ માલીની વાપીના લવાછા ગામે સ્વામીનારાયણ ટ્રેડર્સ નામક દુકાન આવેલી છે. જોકે ગત તા.૦૯-૦૧-૨૫ના રોજ રાત્રે સતિષ માલી અને કર્મચારી દુકાન બંધ કરી ઘરે નિકળી ગયા હતા. ત્યારબાદ બીજા દિવસે સવારે બંને દુકાને આવ્યા ત્યારે તુટેલા ઉચું જોતા ગભરાય ગયા હતા. બાદમાં દુકાનમાં તપાસ કરતા સિગારેટ, પાનમસાલા, ગુટખાનો જથ્થો ગાયબ થયાનું જણાયું હતું. એટલું જ નહી પણ સીસીટીવી કેમેરાનું ડીવીઆર પણ તસ્કરો ચોરી ગયા હતા. સતિષ માલીએ ડુંગરા પોલીસમાં કુલ રૂ.૧.૮૦ લાખના મુદ્દામાલની ચોરી થયા અંગે ફરિયાદ કરતા પોલીસે ચોરીનો ગુનો નોંધી તપાસ હાથ ધરી હતી.