ભરૂચ જિલ્લાનાં કલેકટર ડૉ.તુષાર સુમેરાએ તથા બી ડિવિઝન પોલીસ સ્ટેશનની મુલાકાત લઇને કામગીરીનું નિરિક્ષણ કર્યું હતું. સામાન્ય રીતે એસ.પી. તેમના તાબામાં આવતાં પોલીસ સ્ટેશનોની મુલાકાત લેતાં હોય છે પણ ભરૂચમાં એક નવતર અભિગમના ભાગરૂપે કલેકટર ડૉ.તુષાર સુમેરાએ પોલીસ સ્ટેશનોની આકસ્મિક મુલાકાત લીધી હતી. તેમણે શહેરના એ તથા બી ડિવિઝન પોલીસ સ્ટેશનની સ્થળ મુલાકાત લીધી હતી.

તેમણે ખાસ કરીને પોલીસ સ્ટેશનના રેકર્ડની ચકાસણી કરી હતી. વધુમાં તેમણે કાર્યશૈલી વધુ અસરકારક બને તે માટે જરૂરી સૂચનો પણ આપ્યા હતાં. આ મુલાકાતમાં તેમની સાથે મહેસૂલ વિભાગનાં કર્મચારીઓ પણ જોડાયા હતા. પોલીસ સ્ટેશનના અધિકારીઓએ તેમને પોલીસ સ્ટેશનમાં કઇ રીતે કામગીરી કરવામાં આવે છે તેની માહિતિ આપી હતી.