નવસારીના વાંસદા પોલીસે ખાટાઆંબા ગામે બુટલેગર મોપેડ પર દારૂની પેટી મુકી રહ્યો હતો ત્યારે રેડ કરતા રૂ.૨.૫૯ લાખનો દારૂ પકડાયો હતો. જોકે પોલીસ સ્ટાફના માણસો જોઈ બુટલેગર ભાગી ગયો હતો.

સુત્રો પાસેથી મળતી માહિતી મુજબ, વાંસદાનાં પોલીસ સ્ટાફના માણસ પેટ્રોલિંગમાં હતા. તે સમયે બોરીયાછ પહોંચતા બાતમી મળી હતી કે, ખાટાઆંબા ગામે ચારમુડી ફળિયામાં રહેતો શંકર કાકડીયા ભોયા દારૂ મંગાવી છુટક વેચાણ કરે છે. જેથી પી.આઈ.ને બોલાવી બાતમી સ્થળે રેડ કરતા શંકર ભોયા તેના ઘરના પાછળ એક્ષેસ મોપેડ નંબર જીજે/૨૧/ડીડી/૬૪૯૯ પર દારૂની પેટી મુકી રહ્યો હતો. જેણે પોલીસને જોતા સ્થળ પરથી ભાગી ગયો હતો. પોલીસે સ્થળ પર તપાસ કરતા ઝાડી-ઝાંખરા અને જંગલમાં તપાસ કરતા ઘાસ નીચેથી તથા ઘરના નજીક કોતરમાંથી વ્હિસ્કીની બોટલ નંગ ૧૯૬૮ જેની કિંમત રૂપિયા ૨,૫૯,૨૦૦/- મળી આવી હતી. આમ, પોલીસે મોપેડ સાથે રૂપિયા ૩,૧૯,૨૦૦/-નો મુદ્દામાલ જપ્ત કરી શંકર ભોયાને વોન્ટેડ જાહેર કર્યો હતો.