નવસારીના ચીખલી તાલુકાના સુરખાઈ ગામના હનુમાન ફળિયા વિસ્તારમાં મનહરભાઈ પ્રેમાભાઈ પટેલના શેરડીના ખેતરમાં મજૂરો માણસો નિંદામણનું કામ કરી રહ્યા હતા.

આ દરમિયાન તેમની સામે અચાનક ધસી આવેલ ભૂંડે ખેતરમાં કામ કરી રહેલી મહિલા નયનાબેન મોહનભાઈ પટેલ (ઉ.વ.આ-૪૫) પર હુમલો કર્યો હતો અને તેણીના પગમાં ઇજા કરતા તેમને લોહીલુહાણ હાલતમાં સરપંચ દ્વારા તેમના ખાનગી વાહનમાં તાત્કાલિક કુકેરી પ્રાથમિક આરોગ્ય કેન્દ્રમાં સારવાર માટે ખસેડવામાં આવી હતી. જોકે પગમાં ઘા વધુ ઊંડો હોવા સાથે લોહી સતત ચાલુ રહેતા વધુ સારવાર અર્થે વલસાડ સિવિલ હોસ્પિટલમાં ખસેડાયા હતા. સુરખાઈ ગામે અગાઉ પણ ભૂંડ દ્વારા હુમલાની ઘટના બની હતી. આજના બીજા બનાવને પગલે લોકોમાં ભયનો માહોલ ફેલાયો છે.