અંકલેશ્વરનાં શિવાલયોમાં મહા શિવરાત્રીનાં મહાપર્વ લઈને નિમિતે તડામાર તૈયારીઓ ચાલી રહી છે અને શહેરનાં પૌરાણિક અંતરનાથ મહાદેવ મંદિર ખાતે શિવરાત્રી નિમિત્તે ભસ્મ આરતી સહીત વિવિધ ધાર્મિક કાર્યક્રમોનું આયોજન કરવામાં આવ્યું છે. અંકલેશ્વરના શિવાયલોમાં મહા શિવરાત્રીની તડામાર તૈયારીઓને આખરી ઓપ આપવામાં આવી રહ્યો છે.

જેના નામ પરથી અંકલેશ્વરનું નામ પડ્યું છે એવા અંતરનાથ મહાદેવ મંદિર ખાતે શિવરાત્રીના મહા પર્વ નિમિતે પાલખી યાત્રા, વહેલી સવારે ભસ્મ આરતી સહીત વિવિધ ધાર્મિક કાર્યક્રમોનું આયોજન કરવામાં આવ્યું છે. તેમજ શહેરનાં રત્નેશ્વર, માર્કંડેશ્વર, એકલિંગ નાથ, માંડલેશ્વર, માર્કંડેશ્વર મહાદેવ મંદિર ખાતે મહા શિવરાત્રીની તૈયારીઓને આખરી ઓપ આપવામાં આવી રહ્યો છે અને શહેરનાં તમામ શિવાલયો ખાતે વિવિધ ધાર્મિક કાર્યક્રમોનું આયોજન કરવામાં આવ્યું છે.