ભરૂચ LCBએ તાડફળિયા વિસ્તારમાંથી વિદેશી દારૂનાં જથ્થા સાથે બે ઈસમોને ઝડપી પાડ્યા હતા. જોકે પોલીસે બે ઈસમોને વોન્ટેડ જાહેર કરી તપાસ હાથ ધરી હતી. મળતી માહિતી અનુસાર, ભરૂચ LCB પોલીસ મથકનો સ્ટાફ પ્રોહિબિશન ડ્રાઈવ હેઠળ પેટ્રોલિંગમાં હતો. તે દરમિયાન બાતમી મળી હતી કે, અંકલેશ્વરનાં તાડ ફળિયા વિસ્તારમાં મકાનમાં વિદેશી દારૂનો જથ્થો સંતાળેલ છે. જે બાતમીના આધારે પોલીસે દરોડા પાડ્યા હતા. પોલીસના દરોડાને પગલે સ્થળ પર નાસભાગ મચી જવા પામી હતી.

જોકે પોલીસે સ્થળ પરથી બિયરનાં 228 નંગ ટીન સહીત વિદેશી દારૂ મળી કુલ રૂપિયા 42 હજારનો મુદ્દામાલ કબ્જે કર્યો હતો. પોલીસે વિદેશી દારૂનાં જથ્થા સાથે બોરભાઠા રોસ પર આવેલ પુનિતનગર મીરા ગેરેજ સામે રહેતા બુટલેગર નરેશ રમણ વસાવા, તાડફળિયામાં રહેતા જુનેદ સરવર કુરેશીને ઝડપી આ પાડ્યા હતા. પોલીસે બુટલેગરો વિજયભાઇ દલપતભાઇ વસાવા અને હનીફ બાબુ જમાદારને વોન્ટેડ જાહેર કરી તપાસ હાથ ધરી હતી.