ભરૂચનાં કુકરવાડા ગામે નવી વસાહતમાં રહેતો પ્રદિપ મગન માછીનાં બોરભઠા ખાતે રહેતાં તેમના કૌટુંબિક મામાના પુત્રના લગ્નમાં જવાનું હોઇ તેમના મિત્રની બાઇક લઇ તેમના 16 વર્ષીય ભત્રીજા પ્રિત જિજ્ઞેન પેલ સાથે બોરભાઠા જતી વેળા તેમના ખેતર પાસે આવેલાં ટોરેનફાર્માના ફાર્મ હાઉસ પાસેથી પસાર થતાં હતા. તે સમયે એક ઇકો કારનાં ચાલકે પુરઝડપે સામેથી ધસી આવતાં તેમણે બાઇક સાઇડમાં કરવા છતાં બાઇક સાથે ટક્કર મારતાં તેમની બાઇક બેકાબુ બની રોડની સાઇડમાં ચાલતાં જતાં તેમના જ ગામના જ યશ નામનાં છોકરા સાથે અથડાઇ રોડની બાજુમાં આવેલાં વૃક્ષમાં ભટકાતા તેના ભત્રીજા પ્રિતનું મોત નિપજ્યું હતું.