ભરૂચમાં ચોરીનાં ગુનામાં એક વર્ષથી ફરાર આરોપીને ભરૂચ LCBએ અંકલેશ્વરમાંથી ઝડપી પાડ્યો હતો. ભરૂચ LCB પોલીસ મથકનો સ્ટાફ ચોરીના ગુનામાં પકલાયેલ આરોપીઓને પકડવા અનુસંધાને પેટ્રોલિંગમાં હતો તે દરમિયાન બાતમી મળી હતી કે, ભરૂચ શહેર સી ડિવિઝન પોલીસ સ્ટેશન તથા અંક્લેશ્વર રૂરલ પોલીસ સ્ટેશનના ચોરીના ગુનાનો છેલ્લા એક વર્ષથી નાસતો ફરતો આરોપી અંકલેશ્વર બસ ડેપો વિસ્તારમાં ફરી રહ્યો છે.

જેવી બાતમીનાં આધારે પોલીસે સ્થળ પર વોચ ગોઠવી હતી. તે દરમિયાન પોલીસે શંકાસ્પદ ઈસમની અટકાયત કરી હતી. તેની પૂછપરછ કરતા તે વાલિયા તાલુકાના ચમરિયા ગામમાં રહેતો મુકેશભાઇ અમરસીંગભાઇ વસાવા હોવાનું જણાવ્યું હતું. તે ભરૂચ શહેર સી ડિવિઝન પોલીસ સ્ટેશન તથા અંક્લેશ્વર રૂરલ પોલીસ સ્ટેશનના ચોરીના ગુનામાં સંડોવાયેલ હોવાનું કબુલ્યું હતું. પોલીસે તેના વિરુદ્ધ ગુનો નોંધી કાર્યવાહી હાથ ધરી હતી.