ભરૂચનાં જંબુસર તાલુકાનાં મંગળાદ આમોદ ગામે વહેલી સવારે એક ટ્રકમાં ભીષણ આગ લાગતાં સ્થળ ઉપર દોડધામ મચી જવા પામી હતી. ઘટના સ્થળની માહિતી અનુસાર, ગતરોજ વહેલી સવારે એક ટ્રક લાકડાનું ખોળ ભરીને જઈ રહી હતી. તે દરમિયાન ટ્રકમાં વહેલી સવારે આગ ફાટી નીકળતા સ્થળ ઉપર અરાતફરીનોનો માહોલ સર્જાયો હતો. જયારે વહેલી સવારે ટ્રકમાં ભીષણ આગ લાગતા રસ્તા પર રાહદારિયો ભેગા થઈ ગયા હતા અને તાત્કાલિક આગ ઓલવવાના પ્રયત્નો હાથ ધર્યા હતા.

પરંતુ ટ્રકમાં લાકડાની ખોર હોઈ આગ તુરંત જ સમગ્ર ટ્રકમાં ફેલાઈ ગઈ હતી. જયારે જોતજોતામાં ટ્રકમાં લઈ જવામાં આવતો તમામ લાકડાનાં ખોરનો સામાન બળીને ખાખ થઈ ગયો હતો અને ટ્રક પણ સંપૂર્ણ સળગી ગઈ હતી. સમય સૂચકતા વાપરી ટ્રકનો ચાલક અને ક્લીનર નીચે ઉતરી જતાં બંનેનો બચાવ થયો હતો. જયારે પ્રાથમિક ધોરણે આગ શોર્ટ સર્કિટથી લાગી હોવાનું અનુમાન સેવાઇ રહ્યું છે.