ભરૂચ શહેરનાં પીરકાંઠી રોડ ઉપર આવેલ ફોટો સ્ટુડીયોમાંથી ચોરખાનામાં સંતાડેલ વિદેશી દારૂનાં જથ્થા સાથે બુટલેગરને ઝડપી પાડ્યો હતો. સુત્રો પાસેથી મળતી માહિતી અનુસાર, ભરૂચ એલ.સી.બી.નો સ્ટાફ પ્રોહિબિશન જુગાર અને દારૂની પ્રવૃતિ અટકાવવા પેટ્રોલિંગમા હતો. તે દરમિયાન એલ.સી.બી.નાં પી.એસ.આઈ.ને બાતમી મળી હતી કે, ભરૂચ શહેર પીરકાંઠી રોડ ઉપર આવેલ સચીન ફોટો સ્ટુડીયોમાં જીગ્નેશ ઉર્ફે સચીન છત્રીવાલા પોતાના ફોટો સ્ટુડીયોમાં વિદેશી દારૂનું વેચાણ કરે છે. જે બાતમીનાં આધારે પોલીસે દરોડા પાડ્યા હતા. પોલીસે લેમીનેશન કરવાના લાકડાના ટેબલમાં પ્લાયના પાટીયા નીચે બનાવેલ ચોરખાનામાંથી અને ફોટાગ્રાફી પાડવા માટેના વોલપેપરની પાછળ બનાવેલ ચોરખાનામાં સંતાડેલ વિદેશી દારૂની 24 નંગ બોટલ અને એક મોબાઈલ ફોન મળી કુલ 32 હજારથી વધુના મુદ્દામાલ સાથે બુટલેગરને ઝડપી પાડી કાર્યવાહી હાથ ધરવામાં આવી હતી.