અંકલેશ્વરનાં સારંગપુર ગામથી મહિલા બુટલેગરે ઘરનાં પાછળ બનાવેલા બાથરૂમમાં સંતાડેલ ઈંગ્લીશ દારૂનાં જથ્થા સાથે ઝડપી પાડી કાયદેસરની કાર્યવાહી હાથ ધરી હતી. બનાવની વિગત એવી છે કે, અંકલેશ્વર GIDC પોલીસની ટીમ સારંગપુર વિસ્તારમાં પેટ્રોલીંગમાં હતી. તે દરમિયાન ચોક્કસ માહિતી મળી હતી કે, આદર્શ નગર ખાતે રહેતા મહિલા બુટલેગર અરુણા વિક્રમસિંહ રાઠવાએ મોટા પાયે ઈંગ્લીશ દારૂ લાવી વેચાણ કરી રહી છે. જે બાતમીનાં આધારે GIDC પોલીસ દ્વારા મહિલા બુટલેગરનાં ઘરે દરોડા પાડ્યા હતા. જ્યાં ઘરમાં સર્ચ કર્યા બાદ ઘર પાછળ વાળામાં રહેલા બાથરૂમમાં સર્ચ કરતા અંદરથી ઈંગ્લીશ દારૂની 76 બોટલ મળી આવી હતી. આમ, પોલીસે કુલ 76 બોટલ જેની કિંમત રૂપિયા 7,600/-નો ઈંગ્લીશ દારૂનો જથ્થો કબ્જે કરી મહિલા બુટલેગર અરુણા રાઠવાની ધરપકડ કરી હતી.