ભરૂચનાં નેત્રંગ તાલુકાનાં કબીર ગામમાં રહેતા ખેડૂતનાં મકાનને તસ્કરોએ નિશાન બનાવી તલ વેચાણમાંથી મળેલ રોકડા રૂપિયા 1.93 લાખની ચોરી કરી ફરાર થઇ ગયા હતા. મળતી માહિતી મુજબ, મૂળ સુરતનાં અને હાલ નેત્રંગ તાલુકાનાં કબીર ગામમાં રહેતા ચતુરભાઈ પોપટભાઈ વેકરિયા ખેતી કરી પોતાના પરિવારનું ગુજરાન ચલાવે છે.

​

જોકે તેઓ ગત તા.15મી ઓક્ટોબરનાં રોજ રાતે તસ્કરોએ નિશાન બનાવ્યું હતું. તેમજ અજાણ્યા તસ્કરોએ તેઓનાં મકાનનાં પાછળનાં દરવાજાની જાળી તોડી સ્ટોર ખોલી અંદર પ્રવેશ કર્યો હતો અને ખેડૂતે તલનાં વેચાણનાં રોકડા રૂપિયા 1.93 લાખની રકમ કબાટમાં મુકેલ હતી અને આ તમામ રોકડા રૂપિયાની ચોરી કરી ફરાર થઇ ગયા હતા. બનાવ અંગે ખેડૂતે નેત્રંગ પોલીસ મથક ખાતે ફરિયાદ નોંધાવી હતી.