ભરૂચના ઉદ્યોગ નગર સ્થિત યામાહા કંપનીના શો રૂમના પાર્કિંગમાંથી નવી બાઈકની ચોરીમાં સંડોવાયેલ બે ઇસમોને સી ડિવિઝન પોલીસે ગણતરીના દિવસોમાં ઝડપી પાડી ચોરીનો ભેદ ઉકેલી કાઢ્યો છે. જોકે ગત તારીખ 3 જુલાઇના રોજથી 28મી ઓગસ્ટ સુધી ડી-માર્ટ પાછળ આવેલ કંપનીના માલિકની જગ્યામાં નવી નક્કોર 20 જેટલી બાઈકો યામાહા કંપનીના શો રૂમ દ્વારા પાર્ક કરવામાં આવી હતી જે બાઈકો પૈકી આર વન ફાઇવ બાઇક 1.65 લાખની ચોરી કરી વાહન ચોરો ફરાર થઈ ગયા હતા.

ચોરી અંગે સી ડિવિઝન પોલીસે ગુનો નોંધી તપાસ હાથ ધરી હતી. તે દરમિયાન પોલીસે ચોરી થયેલ યામાહા આર વન ફાઈવ મોટર સાઇકલ સાથે ગણતરીના કલાકોમાં પકડી કાયદેસરની કાર્યવાહી કરતી ભરૂચ સી ડીવીઝન પોલીસ ભરૂચ જીલ્લા પંચાયતની બાજુમાં આવેલ આચારજીની ચાલમાં રહેતો આરીફ અહેમદભાઇ ચૌહાણ અને આકાશ વિનોદભાઇ બારૈયાને ઝડપી પાડી તેઓ પાસેથી બાઇક કબ્જે કરી વધુ તપાસ હાથ ધરી છે.