ભરૂચની નર્મદા ચોકડીથી દહેજ જતાં રોડ ઉપર નર્મદા હોટલની સામે ટેન્કર ચાલકને અન્ય ચાલકે રૂપિયા બાબતે માર મારતા સી ડિવિઝન પોલીસ મથકે ફરિયાદ નોંધવામાં આવી હતી. મળતી માહિતી અનુસાર, મૂળ બિહારનાં અને હાલ અંકલેશ્વરનાં અમિતકુમાર પટેલના ટેન્કર નંબર GJ/27/TT/6899 ઉપર ચાલક તરીકે નોકરી કરતા મુન્ના ભુપ્રકાશ મહંતો જેઓ પાદરા ખાતે એચ.સી.એલ કેમિકલ ખાલી કરી પરત ઝઘડિયા ખાતે જતો હતો.

તે દરમિયાન આમોદ નજીક તેઓનાં બિહારના ટ્રક ચાલક રજનીશકુમાર રણજીત તિવારી મળ્યો હતો. જેની સાથે તેઓ બંને ભરૂચની નર્મદા ચોકડીથી દહેજ જતા રોડ ઉપર તેઓના વાહનો પાર્ક કર્યા હતા અને નર્મદા હોટલમાં જમવાનું પાર્સલ લઇ પરત ટેન્કર તરફ ગયા હતા તે સમયે મુન્ના ભુપ્રકાશ મહંતોના કપડામાં મુકેલ રૂપિયા નહી જાણતા તેને રજનીશકુમાર રણજીત તિવારી ઉપર શંકા જતા તેને પુછપરછ કરતા તે ઉશ્કેરાય ગયો હતો અને ઝઘડો કરી મુન્ના મહંતોને માર માર્યો હતો. બનાવ અંગે સી ડીવીઝન પોલીસે ગુનો નોંધી તપાસ હાથ ધરી હતી.