ભરૂચનાં વાગરા તરફથી વસ્તી ખંડાલી જતા માર્ગ પર પાણી ભરાવાના કારણે એક કાર નાળા નીચે ઉતરી જતાં પાણીમાં તણાઈ હતી. ઘટન અંગે વાગરા પોલીસે તાત્કાલિક સ્થળ પર પહોંચી કારનું રેસ્કયું કરી 5 લોકોનાં જીવ બચાવી સરાહનીય કામગીરી કરી છે. બનાવની વિગત એવી છે કે, વાગરા તાલુકા સહિત રાજ્યભરમાં મેઘરાજા તોફાની બેટિંગ કરી રહ્યા છે. જેથી અમુક જગ્યાએ જળ ભરાવની પરિસ્થિતિ સર્જાઈ છે.

જોકે ભારે વરસાદનાં કારણે વાગરાથી વસ્તી ખંડાલી ગામ તરફના માર્ગ પર આવેલ નાળું પાણીમાં ડૂબી જતાં ત્યાંથી પસાર થતી એક કાર પાણીનાં પ્રવાહમાં તણાઈ હતી. ઘટના અંગે વાગરા પોલીસને જાણ થતાં જ તાત્કાલિક પોલીસની ટીમ ઘટના સ્થળે પહોંચી ગઈ હતી અને કારમાં સવાર 5 લોકોને બચાવ્યા હતા. જયારે કારમાં 5 લોકો સવાર હતા જેમાં એક મહિલા, બે પુરૂષ સહિત બે નાના બાળકો પણ હતા.