ભરૂચનાં નંદેલાવ ઓવર બ્રિજ પાસે આવેલી મઢૂલી હોટલ નજીક આઇસર ટેમ્પોમાં રાત્રે અચાનક આગ ભભૂકી ઉઠતા અફરાતફરી મચી ગઇ હતી. જોકે ગતરોજ રાત્રે મઢૂલી હોટલ પાસે આઇસર ટેમ્પોમાં અચાનક આગ ભભૂકી ઉઠી હતી તેમજ આઇસર ટેમ્પો ભડકે બળવા લાગતા વાહન ચાલકો અને આસપાસનાં લોકોમાં નાસભાગ મચી જવા પામી હતી. જયારે થોડી જ વારમાં આગે વિકરાળ સ્વરૂપ ધારણ કર્યુ હતુ અને દૂર-દૂર સુધી આગનાં ગોટે ગોટા ઉડતા જોવા મળ્યા હતા. ઘટના અંગે ફાયર વિભાગને જાણ કરાતા ફાયર ફાઈટરો દોડી આવ્યા હતા. આમ પાણીનો મારો ચલાવી આગ ઉપર કાબુ મેળવાયો હતો. સદ્દનસીબે કોઈ જાનહાની થવા પામી ન હતી જયારે ટેમ્પામાં લાગેલી આગનું કારણ જાની શકાયું નથી.