ભરૂચનાં દહેજ બાયપાસ રોડ ઉપર આવેલ મોના પાર્ક સ્થિત સબર રેસીડેન્સીમાં રહેતા ફૈઝલ યુસુફ પટેલ ભરૂચના જંબુસર બાયપાસ ઓવર બ્રીજ નજીક નાસ્તો કરવા ગયો હતો. તે દરમિયાન નાસ્તો કર્યા બાદ પોતાના ખિસ્સામાં રહેલ 15 હજારનો ફોન ચેક કરતા તે મળી આવ્યો ન હતો જેથી તેનો ફોન કોઈ અજાણ્યો ઇસમ ચોરી કરી લઇ ગયો હોવાનું માલુમ પડ્યું હતું. મોબાઈલ ફોન ચોરી અંગે ભરૂચ બી ડીવીઝન પોલીસે ગુનો નોંધી તપાસ હાથ ધરી છે. તો ભરૂચના ભોલાવ વિસ્તારમાં આવેલ અલકનંદા પાર્ક સોસાયટીમાં લગ્ન પ્રસંગમાં આવેલ મામાના મોબાઈલ ફોનની ચોરી કરી અજાણ્યા ઈસમો ફરાર થઇ ગયા હતા.

વાગરા તાલુકાના સદથાલા ગામના પટેલ ફળિયા સંજયકુમાર દેસાઈ પટેલ પોતાના પરિવાર સાથે ભરૂચના ભોલાવ વિસ્તારમાં આવેલ અલકનંદા પાર્ક સોસાયટીમાં રહેતી તેઓની બહેન સંગીતાબેન પટેલના ઘરે ભાણેજના લગ્ન પ્રસંગમાં આવ્યા હતા. જેઓએ પોતાના મોબાઈલ ફોનને ઘરના ચાર્જીંગમાં મૂકી હસ્ત મેળાપમાં ગયા હતા. તે દરમિયાન અજાણ્યા ઈસમોએ ઘરમાં પ્રવેશ કરી અંદર મુકેલ 11 હજારથી વધુના મોબાઈલ ફોનની ચોરી કરી ફરાર થઇ ગયા હતા ચોરી અંગે સી ડીવીઝન પોલીસે ગુનો નોંધી તપાસ હાથ ધરી હતી.