જંબુસરની નેશનલ પાર્ક સોસાયટીમાં રહેતા વૃદ્ધ સરફુદ્દીન મયુદ્દીન મલેક જંબુસર એસ.ટી બસ ડેપોના કમ્પાઉન્ડમાં ઉભા હતા. તે દરમિયાન જંબુસર ડાભા ગામની જતી એસ.ટી. બસ નંબર GJ/18/Z/5569નાં ચાલકે બસ પુરઝડપે હંકારી ડેપોમાં ઉભેલ વૃદ્ધ સરફુદ્દીન મયુદ્દીન મલેકને ટક્કર મારી તેઓના શરીર ઉપરથી બસના પૈંડા ફરી વળતા તેઓનું ઘટના સ્થળે મોત નીપજ્યું હતું. જોકે આ અકસ્માતમાં મૃતકનો મૃતદેહને પોસ્ટ મોર્ટમ અર્થે જંબુસર રેફરલ હોસ્પિટલ ખાતે ખસેડવામાં આવ્યો હતો. અકસ્માત અંગે જંબુસર પોલીસ ગુનો નોંધવાની તજવીજ હાથ ધરી છે.