જંબુસરનાં દારૂલ કુરાન મદ્રેસાની સામેથી પોલીસે જુગાર રમતા ચાર જુગારીયાઓને ૧૪ હજારથી વધુના મુદ્દામાલ સાથે ઝડપી પાડયા હતા, જ્યારે એક જુગારી ફરાર થયો હતો. મળતી માહિતી મુજબ, જંબુસર પોલીસ મથકનો સ્ટાફ પેટ્રોલીંગમાં હતો. તે દરમિયાન બાતમી મળી હતી કે, જંબુસરના દારૂલ કુરાન મદ્રેસાની સામે ખેતરમાં કેટલાક ઈસમો હાર-જીતનો જુગાર રમી રહ્યા છે. જેવી બાતમીના આધારે પોલીસે સ્થળ પર દરોડા પાડયા હતા.

આમ, પોલીસના દરોડાને પગલે જુગારીયાઓમાં નાસભાગ મચી હતી પોલીસે સ્થળ પરથી 2 નંગ મોબાઈલ, મોટરસાયકલ, જુગાર રમવાના સાધનો સહિત રોકડ મળી કુલ 14 હજારથી વધુનો મુદ્દામાલ કબ્જે કર્યો હતો અને જુગારીયાઓ ઈલ્યાસ ઉર્ફે ઇલ્લુ યાકુબ ઇરાહિમ, ઇસ્ફુલ્લા યાસિન હસ્સુમિયા સૈયદ, અસદ ગની મિસરી, આરીફ યુસુફ કાસમ ઘાંચીને ઝડપી પાડયો હતો, જ્યારે એક જુગારી ફરાર થઇ ગયો હતો. બનાવ અંગે પોલીસે તેને પકડી પાડવાની તજવીજ હાથ ધરી હતી.