ભરૂચ જિલ્લા પોલીસે બે અલગ અલગ સ્થળોએથી જુગાર રમતા આઠ જુગારીયાઓને ઝડપી પાડ્યા પાસી કાર્યવાહી હાથ ધરી હતી. સુત્રો પાસેથી મળતી માહિતી અનુસાર, ભરૂચ બી ડીવીઝન પોલીસ મથકનો સ્ટાફ પેટ્રોલિંગમાં હતો. તે દરમિયાન બાતમી મળી હતી કે, શેરપુરા-ડુંગરી રોડ ઉપર ત્રણ કુવા રેલ્વે ફાટક પાસે જુગારધામ ચાલી રહ્યું છે.

જે બાતમીના આધારે પોલીસે સ્થળ ઉપર જઈ રેડ કરતા પોલીસે સ્થળ પરથી રોકડ રૂપિયા 11 હજાર અને 3 બાઈક મળી કુલ રૂપિયા 71 હજારથી વધુનો મુદ્દામાલ કબ્જે કર્યો હતો અને મદીના પાર્ક સોસાયટીમાં રહેતો જુગારી અલ્લારખા ગુલામ અહેમદ શેખ, નિસારઅહેમદ ગુલામ અહેમદ મુલ્લા, ઇમરાન મકબુલ શેખ અને મહમદ સાકીર અબ્દુલ અઝીઝ મલેકને ઝડપી પાડ્યો હતો.