અંકલેશ્વરની સિલિકોન કંપનીમાં સિમેન્ટનાં પતરા બેસાડતા સમયે 20 ફુટ ઉપરથી નીચે પટકાતાં કામદારનું મોત નીપજયું હતું. જયારે મૃતક યુવક વાલિયાનાં પઠારનો રહેવાસી હતો. સુત્રો પાસેથી મળતી માહિતી મુજબ, વાલિયા તાલુકાનાં પઠાર ગામ ખાતે રહેતા 28 વર્ષીય દિનેશ વસાવા જીતાલીની સીમમાં આવેલ સિલિકોન કંપની કામ કરી રહ્યા હતા.

તે સમયે સાંજે તેઓ 20 ફુટની ઉંચાઇ પર ચઢીને સિમેન્ટનાં પતરા બેસાડી રહયો હતો. તે દરમિયાન સિમેન્ટનું પતરું તૂટી જતા તેઓ 20 ફૂટ ઉપરથી નીચે પટકાયા હતાં અને યુવકને ગંભીર ઇજા પહોંચતા તેમને સારવાર અર્થે જયાબહેન મોદી હોસ્પિટલ ખાતે ખસેડવામાં આવ્યાં હતાં. જય ગંભીર ઇજાના પગલે દિનેશ વસાવાનું મોત નીપજ્યું હતું. બનાવ અંગે ગીરીશ વસાવાએ પોલીસને જાણ કરતાં પોલીસે અકસ્માત મોતનો ગુનો નોંધી કાયદેસરની કાર્યવાહી હાથ ધરી હતી.