ભરૂચનાં શેરપુરા રોડ પર આવેલાં ખુર્શિદ પાર્ક પાસેની ખુશ્બુ પાર્ક સોસાયટી-2 ખાતે રહેતાં યાહ્યા મોહમંદ શબ્બીર કુરેશી ટુ વ્હિલર લે-વેચનો વેપાર કરે છે. જોકે આજથી એકાદ વર્ષ પેહલાં તેના મિત્ર ઇમરાન અબ્દુલ એહમદ પટેલ (રહે.સંતોષી વસાહત) સાથે મુલાકાત થતાં ઇમરાને તેને જણાવ્યું હતું કે, તે હાલમાં તેની પાસે કપડાન મોટો જથ્થો આવ્યો છે. જોતે તેના ધંધામાં રોકાણ કરવા માંગતો હોય તો તેને રોકાણના 50 ટકા નફો આપશે તેમ જણાવ્યુ હતું.

જેના પગલે યાહ્યા કુરેશીએ કુલ રૂપિયા 25 લાખ ઇમરાનને આપ્યાં હતાં. જેના પગલે ઇમરાને તેને 6 મહિના બાદ 35 લાખ રૂપિયા આપવાની ખાત્રી આપી હતી. જોકે, છ મહિના બાદ યાહ્યાએ ઇમરાન પાસે રૂપિયાની માંગણી કરતાં તેણે હજી થોડો સમય રોકાવું પડશે. જે બાદ તેણે એક મહિના પછી રૂપિયાની માંગણી કરતાં તેણે રૂપિયા નહીં આપી વાયદા કરતો હતો.

ત્યારબાદ તેણે અગલ અગલ રકમનાં કુલ 6 ચેક આપ્યાં હતાં જે બાઉન્સ થયાં હતાં. જે બાદ પણ તે વાયદાઓ કરી રહ્યો હતો. અરસામાં તેણે જણાવ્યું હતું કે, ઇર્ષાદ મોહમદ ઇદ્રીશ મોલવી પાસેથી પણ તેણે 29.50 લાખ રૂપિયા ધંધાર્થે લીધાં છે તે પણ પરત કરવાના છે. રેડિમેઇડ કપડાઓનું વેચાણ કરવા છતાં તેણે રૂપિયા પરત નહીં ચુકવતાં આખરે યાહ્યા મોહમંદ શબ્બીર કુરેશીએ ભરૂચ બી ડિવિઝન પોલીસ મથકે ઇમરાન વિરૂદ્ધ છેતરપિંડી સબબનો ગુનો નોંધાવતાં પોલીસે ગુનો નોંધી આગળની કાર્યવાહી હાથ ધરી હતી.