અંકલેશ્વર તાલુકાની પાનોલી GIDCમાં આવેલી પ્રીમિયર મીનરલ્સ એન્ડ કેમિકલ ઇન્ડસ્ટ્રીઝ નામની કંપની આવેલી છે. જેમાં કંપનીમાં આજરોજ બપોરનાં સમયે કોઈ કારણોસર આગ ભભૂકી ઉઠતાં કામદારોમાં દોડધામ મચી ગઇ હતી. જયારે આગ એટલી વિકરાર હતી કે, આગનાં ગોટે ગોટા દૂર-દૂર સુધી નજરે પડતા હતાં. જોકે આગ અંગેની જાણ કંપની દ્વારા પાનોલી GIDCમાં આવેલા પાનોલી નોટિફાઈડ ઓથોરિટીને કરતા તાત્કાલિક ધોરણે ફાયર ફાઈટરોની 2 ટીમ મોકલી તાત્કાલિક સ્થળ પર દોડી આવીને આગ પર કાબુ મેળવવાની કવાયત હાથ ધરી હતી. ફાયર ફાઈટરોએ ભારે જહેમત બાદ આગ ઉપર કાબુ મેળવ્યો હતો. જોકે આગ કયા કારણોસર લાગી છે એની હજી જાણી શકાયું નથી. આમ, આગમાં કોઈ જાનહાનિ નહીં થતા લોકોએ રાહતનો શ્વાસ લીધો હતો.