ભરૂચનાં વાલિયા તાલુકાનાં મોદલિયા ગામ નજીક ભદામ કંપનીમાંથી હાઈવા ડમ્પરમાંથી દારૂનો જથ્થો મળી આવ્યો હતો. મળતી માહિતી મુજબ, ભરૂચ LCB ટીમે અંકલેશ્વર વિસ્તારમાં ખાનગી વાહનમાં નાઇટ પેટ્રોલિંગમાં હતી. તે સમયે બાતમી મળી હતી કે, હાઇવા ટ્રક નંબર GJ/16/W/2978માં વિદેશી દારૂનો જથ્થો ભરી લાવી પઠાર-મોદલિયા ગામ નજીક આવેલી ભદામ કંપનીની સીમમાં કાર્ટિંગ થઈ રહ્યું છે. જે બાતમીનાં આધારે ભરૂચ LCBએ તપાસ કરતાં હાઈવા રસ્તાની બાજુમાં ભેખડ ઉપર ચડાવેલું મળી આવ્યું હતું અને આજુબાજુમાં જોતાં શેરડીના ખેતરમાં સંતાડેલી વિદેશી દારૂની કુલ 5,548 બોટલ મળી આવી હતી જેની કિંમત રૂપિયા 6.23 લાખ અને હાઇવા ટ્રક જેની કિંમત રૂપિયા 10 લાખ મળી કુલ રૂપિયા 16.23 લાખનો મુદામાલ ઝડપી પાડી એક આરોપીને વોન્ટેડ જાહેર કરી વાલિયા પોલીસ મથકમાં પ્રોહિબિશન એક્ટની કલમો હેઠળ ગુનો નોંધી બુટલેગરોને ઝડપી પાડવાની કામગીરી હાથ ધરી છે.