અંકલેશ્વરમાં પડેલા મુશળધાર વરસાદનાં કારણે અંકલેશ્વર તાલુકાનાં પીલુદ્રા ગામમાંથી પસાર થતી વનખાડીનાં પાણીનાં પ્રવાહથી છેલ્લા બે દિવસથી માર્ગો બંધ થઇ જવા પામ્યા છે. જેના કારણે વનખાડીનું પાણી નાના પુલ પરથી પસાર થઇ રહ્યું છે. ત્યારે આજરોજ પીલુદરા ગામનાં રહીશ અને અન્ય સભ્યો ટ્રેકટર લઇ નાના પુલ પરથી ગામમાં આવી રહ્યા હતા.

તે સમયે વનખાડીનાં પાણીનાં ધસમસતા પ્રવાહમાં ટ્રેકટર ખેંચાઈ જવા પામ્યું હતું. જયારે ટ્રેક્ટરમાં સવાર 5 લોકો પણ ટ્રેક્ટર સાથે તણાવા લાગ્યા હતા. જોકે તે દરમિયાન નજીકમાં રહેલા ગ્રામજનોએ તાત્કાલિક દોડી આવીને પાણી પ્રવાહમાં ખેંચાઈ રહેલા 5 લોકો પૈકી 4 લોકોને બચાવી લીધાં હતાં. પરંતુ એક જણ પાણીમાં ખેંચાઈ જતાં હજી સુધી ભાળ મળી નથી. ઘટના અંગેની જાણ થતાં જ અંકલેશ્વર ધારાસભ્ય સાથે NDRFની ટીમ સ્થળ પર દોડી આવી ગુમ વ્યક્તિની શોધખોળ આરંભી હતી.