કપરાડાનાં જોગવેલ ગામના નવી નગરી ફળિયામાં રહેતા તુલસીબેન ગાંડાભાઈ ચૌહાણ (ઉ.વ.75) નાનાપોંઢા હોસ્પિટલ જવા માટે પગપાળા નીકળ્યા હતા. તેઓ જોગવેલ ગામના ત્રણ રસ્તાથી પરમપુર તરફ પરથી પસાર થઈ રહ્યા હતા. આ સમયે રસ્તા પરથી પસાર થઈ કન્ટેનર નંબર GJ/01/KT/9151નાં ચાલકે તુલસીબેનને પાછળથી ટક્કર મારીને અકસ્માત સર્જાયો હતો. જે અકસ્માતમાં કન્ટેનર અને ડિવાઈડર વચ્ચે આવી ગયેલા તુલસીબેનનું ચગદાઈ જતા અરેરાટીભર્યું મોત નીપજયું હતું. અકસ્માત સર્જનાર કન્ટેનરનો ચાલક સ્થળ ઉપરથી કરાર થઈ ગયો હતો. બનાવ અંગે મૃતકના પુત્ર બાબુભાઈ ચૌહાણએ નાનાપોંઢા પોલીસ મથકમાં ફરિયાદ નોંધાવતા પોલીસે ગુનો નોંધી વધુ તપાસ હાથ ધરી હતી.