નેવાર્કથી દિલ્હી જતી એર ઈન્ડિયાની ફ્લાઇટ નંબર AI106નું સ્વીડનમાં ઈમરજન્સી લેન્ડીંગ કરવામાં આવ્યું છે. આ ફ્લાઈટ તકનીકી ખામી સર્જાતા સ્વીડનનાં સ્ટોકહોમ એરપોર્ટ પર ઇમરજન્સી લેન્ડિંગ કરવામાં આવ્યું હતું. ફાઈલટમાં લગભગ 300 જેટલા મુસાફરો સવાર હતા. સુત્રો પરથી મળતી જાણકારી અનુસાર, તમામ મુસાફરો સુરક્ષિત છે. માહિતી મળ્યા બાદ એરપોર્ટ પર મોટી સંખ્યામાં ફાયર એન્જિન સુવિધા કરવામાં આવી હતી. એન્જિન ઓઈલ લીક થવાને કારણે ઈમરજન્સી લેન્ડિંગ DGCA
ડિરેક્ટોરેટ જનરલ ઓફ સિવિલ એવિએશનએ માહિતી આપી છે કે, એર ઈન્ડિયા યુએસ-દિલ્હી ફ્લાઈટને એરક્રાફ્ટના એન્જિનમાંથી ઓઈલ લીકેજને કારણે સ્ટોકહોમ, સ્વીડન તરફ વાળવામાં આવી હતી અને ત્યાં તેનું સુરક્ષિત લેન્ડીંગ કરવામાં આવ્યું હતું.