મનિષા એસ. સુર્યવંશી/તાપી : સોનગઢનાં જેસીંગપુરા ટેકરા પાસે મેઈન હાઈવે રોડ પરથી સોનગઢની અંદર જતા રોડ તરફ ટેમ્પો ચાલકે બાઈકને અડફેટે લેતાં બાઈક સવાર બે જણાને ઈજા પહોંચી હતી. બનાવ અંગે પોલીસે ગુનો નોંધી કાર્યવાહી હાથ ધરી હતી. મળતી માહિતી મુજબ, સોનગઢનાં ઉખલદા ગામનાં દાદરી ફળિયામાં રહેતા અજીતભાઈ નુરૂદિનભાઈ મલેક (ઉ.વ.૪૨)નાઓ ગત તારીખ ૧૩/૧૧/૨૦૨૪નાં રોજ વાઝરડા ગામેથી તેમના મિત્ર અનિલભાઈ ગીરજીભાઈ ગામીતની સાથે બાઈક નંબર જીજે/૨૬/કયુ/૦૭૫૫ને લઈ વ્યારા તેમના કાકા હનીફભાઈનાં ઘરે ગયા હતા.

તેમજ ત્યાં થોડો સમય રોકાય પરત ઘરે જવા માટે વ્યારાથી નીકળી સોનગઢ તરફનાં રોડ ઉપર આવતા હતા. તે સમયે સોનગઢ જેસીંગપુરા ટેકરા પાસે મેઈન હાઈવે રોડ પરથી સોનગઢની અંદર જતા રોડ તરફ વળતા સમયે બાઈકની પાછળ આવતા એક આઈસર ટેમ્પો નંબર એમપી/૦૯/જીએચ/૨૨૯૬નાં ચાલકે પોતાના કબ્જાનો ટેમ્પો પુરઝડપે અને ગફલતભરી રીતે હંકારી લાવી બાઈકને અડફેટમાં લેતા અકસ્માત સર્જાયો હતો. જોકે આ અકસ્માતમાં બાઈક ચાલક અજીતભાઈ અને તેમની પાછળ બેસેલ અનિલભાઈને રોડ ઉપર પટકાય ગયા હતા જેથી અજીતભાઈને જમણી સાઈડનાં થાપામાં ઈજા તેમજ જમણા પગમાં ફેકચર અને માથાનાં ભાગે પણ ગંભીર ઈજા પહોંચી હતી. અકસ્માત અંગે તારીખ ૧૯/૧૧/૨૦૨૪નાં રોજ અંજુબેનની ફરિયાદનાં આધારે સોનગઢ પોલીસ મથકે ટેમ્પો ચાલક સામે ગુનો નોંધાવતા પોલીસે ગુનો નોંધી કાયદેસરની કાર્યવાહી હાથ ધરી હતી.