સોનગઢના ગણેશ નગર સ્થિત આંગણવાડીનો દરવાજાનો આગળનો ભાગ તોડી અંદર મુકેલા ગેસના બે બાટલા અને તેલનાં એક ડબ્બાની ચોરી થઈ હતી. સુત્રો પાસેથી મળતી માહિતી મુજબ, સોનગઢ નગરના ગણેશ નગર સ્થિત આંગણવાડીમાં બાળકોની રસોઈ બનાવવા માટે તંત્ર તરફથી 2 ગેસનાં બાટલા અને તેલનો 1 ડબ્બો ચાલુ મહિનામાં વાપરવા માટે આપવામાં આવ્યો હતો. જોકે ગત તારીખ 24/04/2024નાં રોજ રાત્રીનાં સમયે કોઈ અજાણ્યા ચોર ઈસમે આંગણવાડીનાં મુખ્ય દરવાજાનો નાખું નકુચો તોડી અંદર પ્રવેશી કરી રૂપિયા 2,500/-ની કિંમતનો ભરેલ બાટલો અને રૂપિયા 1,500/-ની કિંમતનો ખાલી બાટલો તથા 1,000/-ની કિંમતનું તેલ મળી કુલ રૂપિયા 5,000/-ની ચોરી કરી ગયો ભાગી ગયો હતો.