સુરત શહેરના પાંડેસરામાં ૯ વર્ષ અને બે મહિનાના બાળકે ગળે ફાંસો ખાઇને જીવન ટુંકાવી લેતા ખળભળાટ મચી ગયો હતો. બે ભાઇ રૂમમાં રમતા હતા અને ભાઇ રૂમની બહાર ગયો ત્યારે બાળકે હુક સાથે લટકતી દોરી સાથે શર્ટ બાંધીને ફાંસો ખાધો હતો. નવી સિવિલથી મળેલી વિગત મુજબ, પાંડેસરામાં આશાપુરી સોસાયટીમાં રહેતો અવધેશ ગૃપ્તા બુધવારે સાંજે નોકરી જવા નીકળ્યા હતા. જયારે તેમની પત્ની ઘરમાં રસોઇ બનાવવામાં વ્યસ્ત હતા.

તે સમયે એક રૂમમાં તેમનો ૯ વર્ષ બે માસનો પુત્ર યશ એકલો હતો. જોકે યશે રૂમનો દરવાજો અંદરથી બંધ કરીને હુક સાથે લટકી રહેલી દોરી સાથે શર્ટ બાંધી ગળે ફાંસો ખાધો હતો. જોકે તેના ભાઇએ દરવાજો ખખડાવતા નહી ખોલતા તેની માતા સહિતના પરિવરજનો ગભરાઇ ગયા હતા. બાદમાં તેની માતાએ દરવાજા હોલમાંથી જોતા તે ગળે ફાંસો ખાધેલી હાલતમાં દેખાતા હેબતાઇ ગઇ હતી. બાદમાં દરવાજો તોડી નાંખ્યો હતો અને પોલીસને જાણ કરતા ત્યાં પહોચી હતી. પણ યશનું મોત થઇ ગયું હતું. કાર્યવાહી કરીને મૃતદેહને સિવિલમાં ખસેડાયો હતો. પાંડેસરા પોલીસે કહ્યુ કે, ગુપ્તા પરિવાર મૂળ બિહારનો વતની છે. યશ ધો.૪માં અભ્યાસ કરતો હતો. તેનો એક ભાઇ અને એક બહેન છે.  પિતા લુસ્મખાતામાં કામ કરે છે.  ગત સાંજે યશ રૃમમાં ભાઇ સાથે રમતો હતો. બાદમાં તેનો ભાઇ રૃમમાંથી બહાર ગયા પછી કોઇ કારણસર આ પગલુ ભર્યુ હતુ. જોકે ચર્ચા એવી થતી હતી કે, યશે મોબાઇલના મુદ્દે આ પગલું હોવાની શક્યતા છે.